تبریزیم
تبریزیم، آی گوزلیم آرخام ائلیم، طايفا_طوفاقیم
قارا گونلرده چراغیم
دومان آلتيندا ياتاغيم
گل چیچکله دولی باغیم
او جا باش داغ کیمی دهشتلی زامانلاردا دا ياغيم….
تبریزیم، آی آنایوردوم
آی منیم روحیم، ایمانیم
سنه قربان قوری جانیم
بير قاشق قرمزی قانیم
سنون اوگل یوزووه اولموشام عاشق.
آرزوم دورکی اولام عشقوه ایلقارووا لايق
كل منه لطف الله ائتمه بوقدر ناز
بو اندازه ناز اولماز
سرفراز ائت منی ای لعبت طناز
سن منه دوغما وطنسن
گل لی بلبل لی چمنسن
منی آل سینه وه بیرده.
قويما قالدیم قوری یرده
آل مني يادلار اليندن
یاد لارین ظلمی یاماندیر
ئوره گیم بیر تیکه قاندیر
ای آماندیر آی آماندیر
تبریزیم، شاه ببگیم
او زاماندان کی وطن وای دیبه سندن اوزاق اولدوم
سارالیب گل کیمی سولدوم
دوغرودان دا دییه قونچامدا بوغولدوم
تبریزیم ، آي منیم ایستکلی دیاریم
قوجا شرقین گوزی ،سنسن
خلقیمین اودلی آلولی اوجاغیندا کوزی سنسن،
تاریخین بیرداها دوزگون سوزی سنسن
سنده پارلاق گئچه جك وار
سنه لايق گله جك وار
ئوره گی شادایلی ین ئو لکه لرین چشمه سی، چایی، باغی سنده،
خلقه الهام وئريجي خاطره لر اویلاغی سنده
ئوره گی شاد ایلی ین ئولکه لرین چشمه سی، چایی، باغی سنده
قهرمانلار ،وطنی اودلار اوداسی وطنیمسن
دشمن او غروندا قوچاق ائللر اوباسی وطنیمسن
مرد اوغول لار کانی سنسن
آذر اولادلارینین ،روحی ،ایمانی دایاغی، جانی سنسن
ائل ،بوتون حرمت ئوره کدن سنه بسلیر
سندن آیری دوشن ائللر سنی سسلیر، سنی سسلیر
سنده بیر سلسله منی قویما منی یادلار آپارسین
بیر چاغیر بابکوی بیرده جوانشیروی سسله ،
سسله شاه اسماعیلی
قهرمان سرداری سسله
قوجامان سالاری سسله
سسله ،حیدرخانی سرکرده احراروی سسله
قیزیوی اوغلووی سسله
آچ او کسکین دیلوی،
ایله آزاد ائلوی
«ح جوشفون»
وارلیق ، آیلیق تورکجه فارسجا فرهنگی نشریه ، تیر و مرداد 1358 ، دیجیتال یاییم : ائل اوبا
مطالب جالب
ضرب المثل های ترکی – الف
آذربایجان ادبیات تاریخینه بیر باخیش (2)
بایاتی – دو بیتی ترکی آذربایجانی