۱- آت يئمده‌ن، يئر كوٍبرَده‌ن اوًغوٍنه‌ر.

۲- آت، اَر آلتيٌندا، اَر، غئيره‌ت آلتيٌندا.

۳- آتا ائوينده اوٍگئي آنا، اَر ائوينده قاينانا.

۴- آتا آنا آجيٌ آلما يئسه، اوْغول قيٌزيٌن ديشي قامار (قاماشيٌر).

۵- آتا اوْغلو، آتاچ دوْغار.

 

۶- آتا باباسيٌن تانيٌميٌيان خانليٌق ايدّيعاسيٌ ائده‌ر.

۷- آتا دوْست كيمي باخ، دوٍشمان كيمي مين.

۸- آتا ساپليٌ آتاش، آنا ساپليٌ آناش. (آتا سه‌پير آتاش اوْلور، آنا سه‌پيرسه آناش اوْلور ـ سه‌پمَك: اَكمه‌ك. بوًيوٍتمَك).

۹- آتا قاباغدان، ايته دالدان ياناش.

۱۰- آتا گوٍج، آداما عاغيٌل (گَره‌ك).

 

۱۱- آتا گوًيلوٍ بالادا، بالا گوًيلوٍ هاوادا.

۱۲- آتا مين، حَق دانيٌش. حَقّي، آت اوٍسته دانيٌش.

۱۳- آتا ميندين، اوًزوٍووٍ اوُنوتما، آتدان دوٍشدوٍن، آتيٌويٌ. (آتداسان اوًزوٍنوٍ، آتدان ائندين آتيٌن اوُنوتما).

۱۴- آتا مينه‌ر، آتاسيٌن دانار، آتدان ائنه‌ر، آتيٌن دانار. (آتا ميندي، آتاسيٌنيٌ، آتدان ائندي، آتيٌنيٌ تانيٌماديٌ).

(آتا ميندي، آتاسيٌن تانيٌماديٌ. آتدان دوٍشدوٍ، آتيٌن تانيٌماديٌ).

۱۵- آتا يَهه‌ري، ديله‌نچييه توْربا، آغيٌرليٌق ائدمه‌ز.

toplayan HƏSƏN BƏY HADi