تاپماجالار – چیستان های ترکی

1- اوزون قیزلار اوزانار ، اوزونه کوینک قازانار

2- اوزون اوزون اوزانار ، هفته ده بیر بزه نر

3- اوزون اوزون اوزانار ، یاشیل کوینه ک قازانار

4- اوزون اوزون اوبالار ، آغ ساققاللی بابالار ، اوزونو گیره ر ایچری ، گیرده لری چابالار

5- اوزون اوزون عبالار ، آغ ساققال لار تاپالار ، توکو باشی ات دن دیر ، آیاق لاری چابالار

6- اوزون اوزون قمیش لر ، گئجه بیزه گلمیش لر ، آتیلیب اویناشدیلار ، خوردی خمیر دوشدولر

7- اوزون اوزون اوزانمیش ، اوزانمیش کن دایانمیش ، دایانمیشدا بئش قامیش ، بئش قامیش دان قان داممیش.

8- اوزون آغاجی اویموشلار ، ایچینده سس قویموشلار ، یانیلمیش یالان سویله میش ، قولاغینی بورموش لار

9- اوزون قلینجی ، بامبولو بورکو ، هابودور گلدی!

10- اوزون ایلیجییم ، قیسا قلینجییم ، باجا باجا بورکوم ، مرندی کورکوم.

جاوابلار

1- اوخلوق – چوره ک پیشیرنده ایشله نن ، اوزون ال تاختاسی

2- پالتار شریتی ، پالتار سرمه ایپی

3- قلمه آغاجی

4- اون دییر مانی – ال ایله ایشله نن دییرمان

5- خوروز – اونون پیپه یی و ساققالی

6- یاغیش

7- ال ، بارماق ، حنالی دیرناق لار

8- تار و اونون آشیق لاری

9- اینه و اوسکوک

10- ساپ، اینه ، اوسکوک ، تیکیش