گئجه نین بیر پاییندا امام علیه السلام قیلیجینی حاضرلارکه ن سانکی بویله سویلوردو:

یازیغ اولسون دوستلوغونا ای زامان

دوستلارینا وئرمه زسین بیر آز آمان

صباحدان آخشاما ده ک نئچه اینسان

حق امریله قوشار ئولوم یولونا

زینب علیها السلام بو سوزلری امامدان ائشیدینجه دئدی:

« وای کیمسه سیزلیغدن وای دربه داغینلیغدان.که شکه ئولوم منی آلایدی ، بوگون آنان فاطمه و آتام علی و قارداشیم حسن ئولدولر.ای قالانلارین صیغیناقی آمان سنده ن صونراکی کیمسه سیزلیغه.»

امام حسین علیه السلام اونو اوخشارکه ن بویوردو:

« ای باجی الله یولوندا صابرلی اول چونکو گوگده کیلر ییر یوزونده کیلر ، هپسی ئولرلر.ای ام کلثوم ، ای زینب ، ای رباب ، ای فاطمه ، ای رقیه و ای سکینه ، اگر ئولدورولدویسه م یاخانیزی ییرتمایین ، یوزونوزه چالمایین ، و اللهدان گیلئی بیر سوز دئمه یین.»

داها صونرا باجیسی زینبه سانکی بویله بویوردو:

توپلاگینان باشیما اوشاغلاری ای باجی

قورخودان چیمچاشیری دوداغلاری ای باجی

بو گئجه من قوناغام سیزه چکین نازیمی

یارین قانا بویانیر قوناغلاری ای باجی

ئونجه گتیر اصغری سال بو داغلی سینه مه

بیراق اوپوپ قوخلایام آمان منی قینه مه

داغلانیر باغری یارین کیمسه یه صاقین دئمه

ئوز قانینا بویانیر دوداغلاری ای باجی