کربلا چولونده گون اورتا نامازی و امامین اصحابلارینین شهادتی

ائل اوبا – عاشورا گونونده گون اورتا گونه شی گوگ یوزونده باشقا بیر حالدایدی … او یاندیریجی ایشیغینی صاواش میدانینا باشقا بیر حالدا گونده ریردی.

امام حسینین و اصحابینین صوصوزلوغوندان یوره گی یاندیغی گیبی ییری ده یاندیریردی. بیر یاندان دوشمان عسکرینه جهنم اته شینده ن بیر یاندان دا گون اورتا نمازینین وقتینده ن خبر ویریردی. زهیر ابن القین و سعید ابن عبدالله دوشمان اوخونون اماما نماز قیلینجه ده گمه مه غی ایچین ، امامین ئوگونده کوسکلرینی سیپه ر ایتدیلر.

و امام علیه السلام او حالدا  نمازینی بیتیرینجه سعید ، ده گه ن اوخلارین آغیریارالاری یوزونده ن گوجونده ن دوشتو داها صونرا دنیادان ایریلدی.

امام حسین علیه السلام نمازینی بیتیره نده ن صونرا قاهرامان اصحابینا بویله بویوردو ( ای منیم دوستلاریم جنت سیزین قارشینیزدادیر و اونون قاپیلاری سیزین یوزونوزه آچیلمیش ، و میوه لری ده ییتیشمیش. ایشته پیغمبر و الله یولونون شهیدلری سیزین گله جه غینیزی بکلیرلر. ارتیق الله و پیغمبری دینینده ن . و پیغمبرین اهل بیتینده ن دفاع ایدین ، الله سیزلری عاف ایتسین ).

 

آتلارین ئولدورولمه سی

 

بو صیرادا سعد اوغلونون امریله بیر تاخیم اوخچو امام حسین علیه السلام اصحابینین آتلارینی اوخلادیلار ئویله سینه ضحاک بن عبدالله دان باشقا بیر کیمسه امامین اصحابیندان آتلی قالمادی.

 

حبیب ابن مظاهر

 

بو صیرادا حبیب ابن مظاهر میدانا اندیغینده سانکی بویله سویلوردو :

 

سوزومو یه له ویرمه م

قانیمی سیله ویرمه م

وجدانیمدا بین صدا

روحوم حسینه فدا

هر گلدی اله ویرمه م

 

بیر نچه نفری جهنمه گونده ره نده ن صونرا آغیر یارالار یوزونده ن یوزو قویلو دوشتو باشینی بدنینده ن آییردیلار.

 

حر

 

حبیبده ن صونرا حر میدانا انه ر که ن سانکی بویله سویلوردو :

 

من ازه لده ن حر گلمیشه م حر یاشارام حر قالارام

حریتین آغ بوینونا آل قانیملا گول سالارام

آنام ادیم حر قویارکه ن حرلوغ اکتی وجدانیمدا

من حسینین حر یولوندا جان ویره ریم شان الارام

دوشمان اوردوسوندان بیر نئچه نفری ئولدوردو صونرا شهید ایدیلدی.

امام حسین علیه السلام حر الریاحینین بدنینی قان ایچینده گوره رکه ن سانکی بویله بویوردو:

سن حرسه ن آنان سنه بو آدی ویردیغی گیبی

سن حرسه ن روحون حر کومله گینی گیردیغی گیبی

سن حرسه ن هر حر انسان الیر سنده ن حر الهاملار

حر سه ن هر ییگیت ، ذللت باغینی قیردیغی گیبی

زهیر ایله ابن مضارب

 

زهیر ابن القین ، عموجاسی اوغلو ابن مضارب و ابو ثمامه الصائدی میدانا اندیغلری آندا زهیر امام حسینه دیدی : ای ابا عبدالله اللها آند اولسون یوز کره ئولدورولسه م سنده ن واز گیچمه ره م که شکه یوز روحوم اولایدی هپسینی سنین اوغروندا قربان ویره یدیم. صونرادان دوشمانین عسکرینه سه ل گیبی هجوم ایتدیلر. شهید اولونجایا کیمین صاواشتیلار.

 

عمربن قرضه

 

داها صونرا عمربن قرضه دوشمان عسکرینده ن بیر نچه نفری ئولدوردو. حسینه آتیلان اوخلار و قالدیریلان قیلیجلر ئوگونده الین سیپه ر و بدنینی قالخان ایتدی. بدنینده کی آغیر یارالار یوزونده ن دنیادان آیریلدی.

 

نافع الجملی

 

نافع آتدیغی زهرلی اوخلارلا دوشمان عسکرینده ن بیر نچه نفری ئولدوردو. اوخو بیته نده ن صونرا قیلیچینی چه کیب دوشمان عسکرینین اورتاسینا هجوم ایتدی دوشمانلار اونون ایکی الینی که ستیلر. بویله جه نافع اسیر دوشتو … او اسیر دوشه ر – دوشمه ز شمر اونون بوینونو ووردو – بویله جه نافع ده شهادت نیشانینی قازاندی.

 

تورک گنجی اسلم

 

داها صونرا امام حسینین قرآن اوخویوجوسو اسلم ادیندا اولان بیر تورک گنجی میدانا گیردی دوشمان عسکرینده ن بیر نچه نفری ئولدوره نده ن صونرا آغیر یارالی دوشتو ، امام حسین علیه السلام اسلمین باشی اوزه رینه گلرکه ن مبارک یاناغینی اونون یاناغینا قویدو اسلم گوزلرینی آچیب ، یوزو گولدو . داها صونرا دنیادان آیریلدی.

 

اهلی بیتی سئوه رم

اولار منیم جانیمدا

گیزه ر حسین سئوگیسی

داماریمدا قانیمدا

 

بریر بن خضیر

 

بو صیرادا کوفه مسجیدینین بویوک قرآن اوقویوجولاریندان صاییلان زاهد و عبد بیر ییگیت اولان بریر صاواش میدانینا گیردی یزید بن معقل ده اونونلا صاواشماغ ایچین میدانا اندی بریر اونو ، مباهله ایتمه غه چاغیردی ، و هر کیم باطلده یسه حق اهلینین الیله ئولدورولمه غینه سوزله شتیلر بو انلاشمایلا صاواشا باشلادیلار. بریر اونو ئولدوردو و شهید اولونجایا کیمین صاواشتی.

 

حنظله الشبامی

 

بریرده ن صونرا حنظله دوشمان عسکرینه نصیحت ایتمه غ ایچین ، امامدان اذن الارکه ن اولارا بویله دئدی :

ای انسانلار من احزاب گونو گیبی عذابلی بیر گونده ن ، نوح ، عاد و ثمود قوملرینین باشلارینا گلنلرده ن ، سیزینده باشینیزا گلمه سینده ن قورخورام.

ای انسانلار حسینی ئولدور مه ین . چونکو الله بیر عذابلا سیزی ییرده ن سیله ر. امام حسین علیه السلام حنظله نین سوزلرینی ایشیدینجه اونا بویوردو :

الله سنه رحمت ایتسین اولار صاواشتان ئوگجه منیم سنین و باشقا قارده شلرینین نصیحتینی دونده ریب سنه و دوستلارینا ئولومو جواب ویره ر که ن اللهین عذابی اولارا حق اولدو . اما ایندی قارده شلرینی ئولدوردولر.

آرتیق اولارین وای اولسون حاللارینا. امامین بو سوزلرینده ن صونرا حنظله میدانا اندی و شهید اولونجایا کیمین صاواشتی.

 

عابس

 

داها صونرا عابس ئوزونو , واواش میدانینا انمه غ ایچین حاضرلادی.

امامدان صاواش اذنی ایسته دیغینده بویله دئدی :

ای اباعبدالله منیم یانیمدا ییر یوزونده هیچ بیر کیمسه سیزینجه عزیز ده گیل. جانیمدان داها عزیز بیر شییم اولسایدی اونودا ویره ردیم سنین اوغروندا. عبس میدانا انه ر – انمه ز دوشمانین بدنینه یا÷راغ گیبی تیتره تمه دوشتدو. عابس ییلدیریم گیبی میدانی یاندیردی , هیچ بیر کیمسه اونون قارشیسینا انه بیلمیردی صاوشتیغجا سانکی بویله دئییردی :

 

حسینین سه و داسی باغریمی یاردی

وورارکه ن باشیما , عقلیمی ساردی

روحومون یوواسی گونلومده داردی

جانانین عشقینده یانمیشام یانمیش

دوشمانسا عاشقی بیر ده لی سانمیش

 

سعد اوغلونون امری ایله اونون دورت اطرافینی ساردیلار اوزاغدان اوزه رینه داش و اوخ یاغدیرماغا باشلادیلار. عابس اغیر یارالار یوزونده ن گوجونده ن دوشتو ییگیت باشینی بدنینده ن آییردیلار.

 

جون

 

نــــــه داغــــــــــلار

نه دره لر نه داغلار

کور دوشمانین قیلیجی

نه ئولدورور نه داغلار

 

داها صونرا ابوذر الغفارینین کوله سی امامین یانینا گلیب , میدانا انمه غ ایچین اجازه ایسته دی .

امام بویوردو : من سنه اذن ویردیم گیت بورادان ئوزونو قورتار , سن بیزیمله بورایا کیمین یاشاماغ امیدیله گلدین , ایندی ئوزونو ئولومه آتما !

جون دئدی : ای پیغمبرین اوغلو آغ گونلرده سیزین سفره نیزده ن ییمه غ و دار گونلرده ده سیزی یالنیز قویماغ اولماز ! جون میدانا اندی مظلوملارین افندیسی اوغروندا مرادی شهادته اولاشتی.

 

انس الکاهلی

 

داها صونرا پیغمبر افندیمیزین اصحابیندان اولان انس الکاهلی , گوزلرینه توکوله ن قاشلارینی بیر یاغلیغلا باغلایاندان صونرا حیات , و فداکارلیغ میدانینا اندی :

انس , بیر ییگید گنج گیبی دوشمان عسکرینی بیر – بیرینه ووردو , بیر نئچه عسکری ئولدوره نده ن صونرا شهید اولدو.

 

عمرو بن جناده

 

داها صونرا , صیرا گنج عمرو بن جناده یه گلدی باباسی ایلک هجومده شهید اولدو , اون بیر یاشیندا اولان عمرونون آناسی دئدی : ای عزیز و ییگید بالام بابان گیبی ان میدانا ییگیتجه صاواش …. ! عمرو میدانا انمه غ ایسته ر که ن , امام حسین علیه السلام بویوردو , او اوشاغی گه ری دونده رین چونکو اونون باباسی ینی شهید اولموش بونوندا شهید اولماغی آناسینا آغیر گله ر .

عمرو دئدی : بابام نه نه م سنه قوربان اولسون ای اباعبدالله , ای افندیم !

آنام منه صاواشماغا اذن وئردی , او منه صاواش کومله گینی گیریتدی , و الیمه قیلیج وئردی ، نه اولور منده بابامین یولونو توتوب سنین یولوندا شهید اولورسام !! …

 

قاندا یاریغ

هیچ اولماز قاندا یاریغ

اهل بیتین اوغروندا

قانلار قان دایاریغ

داها صونرا او گنج یگید عمرو میدانا اندی شهید اولونجایا کیمین صاواشتی.

 

حجاج الجعفی و سوار

داها صونرا حجاج الجعفی ایله سوار میدانا اندیلر ، بو ایکی ییگیت شهید اولونجایا کیمین صاواشتیلار.

 

سوید

داها صونرا سوید میدانا اندی بیر مدت صاواشاندان صونرا باییلدی.

دوشمان عسکری اونون ئولدوغونو ساندی . امام حسین علیه السلام شهید اولدوغوندا ، دوشمان عسکری :

( حسین ئولدورولدو ) دئدیغلرینی ایشیدینجه ییرینده ن قالقتی شهید اولونجایا کیمین صاواشتی. سوید امامین شهادتنده ن صونرا کربلاده شهید اولان ان سون قاهراماندیر.

 

امامین چاغریسینا اهلی بیتده ن باشقا بیر کیمسه جواب وئره ن قالمادی نه حر ، نه برید ، نه عابس ، نه حبیب ، و نه ده مسلم … هپ شهید اولموشلار . باشلاری بیر یاندا بدنلریده بیر یاندا.