چشم خماریم گلدی – نظامی گنجه لی

شمعی صؤندور دخی پروانه کی یاریم گلدی

گوله باخ آغلا بولود نازلی نگاریم گلدی

گئجه بایرام ائدرم جانیمی قربان سنه یار

سروریم ، تاجی سریم ، باغلی بهاریم گلدی

قامتین سرو سنین ، جنتی گزدیم تایی یوخ

چاکری اولدوغوم اول شاهی سواریم گلدی

حسنونون شمعینه پروانه دئییب دؤندی کوله

آتشیم صؤندورون اول لاله عذاریم گلدی

دئدیم ای نازلی ملک سئو بو نظامینی دئدی:

سنینم عهد ائله دی چشم خماریم گلدی

ائل اوبا