سئوگیلیم قاشلارین چاتوب باش – باشا
حسنینه ایتمگه هر گون تماشا
فقلردن چیخیر هر سحر قوشا
گونش بیر طرفدن ، آی بیر طرفدن
چوخداندر کسمیسن مندن نظرین
یانیرام عشقینه ، یوخدور خبرین
چکیبدر قصدیمه جلاد گؤزلرین
کمان بیر طرفدن ، یای بیر طرفدن
سن بری ، آرخانجا زلفین سورونسین
سنبللر آل – یاشیل دونا بورونسین
گونش جمالین آچ ، آشکار گورونسین
بهار بیر طرفدن ، یای بیر طرفدن
حسرتین یاندیریر پروانه لری
قویما کنارینه بیگانه لری
آچما زلفینده کی دیوانه لری
باغلا بیر طرفدن ، سای بیر طرفدن
اوخونسون ایلیمین ظفر نغمه سی
واحدین غزلی ، خانین خوش سسی
ینه ده بزه سین بیزیم مجلسی
شربت بیر طرفدن ، چای بیر طرفدن
مطالب مرتبط
آذربایجان ادبیات تاریخینه بیر باخیش (۶)
سئوداسی ایچون
بوگوندن صاباحا