بایاتیلار باشلاندی
عشق اورکده جوشلاندی
دوستلازا خبر وئرون
منیم تویوم باشلاندی
ائلیم گونوم تالاندی
اوستونه اود قالاندی
یاد الیندن ائل کؤچدو
بیر داغا دالدالاندی
اوخشاسین دیلیم سنی
بویوتسون ائلیم سنی
میداندا آت اوینادان
بیر ایگید بیلیم سنی
اوچی ورار مارالی
داغدا گزر یارالی
فلگه نیله میشم
سالدی سندن آرالی
اوتای بوتایا باخیر
آراسیندان چای آخیر
کور اولسون منیم گوزوم
سنسیز دنیایه باخیر
اوخ آتدیم دوزه دوشدی
کیپریکلر گوزه دوشدی
هاممیا پوشک آتدیلار
آیریلیق بیزه دوشدی
اورمی گولی دریندی
بولاخلاری سریندی
بیر گونلوم وار سینمده
مینی گلسه سنوندی
اوسکی نین کوچه لری
بار امیر بچه لری
یاتاسان یار قوینوندا
پاییزین گئجه لری
آرازیم آرام یئری
سیزیلدار یارام یئری
هر محنته دوزه رم
کسیلیب چارام یئری
کتاب آذربایجان بایاتیلاری ، سهمانلیانی نقابی ، نشر موسسه نور ، تبریز
مطالب جالب
نظامی گنجوی شاعر بزرگ تُرکان آذربایجان
آذربایجان ادبیات تاریخینه بیر باخیش (2)
جهنم ده بیتن گول – عاصم اردبیلی