ایستر کؤنول – علی آقا واحید

دیل بیلن سؤز آنلایان بیر نازلی یار ایستر کؤنول

لاله دن ، گلدن گؤزل بیر نوبهار ایستر کؤنول

اعتبارین گورمه ینجه سه و مه رم بیر دلبری

نازنین مهپاره لردن اعتبار ایستر کؤنول

هر قارا زلفین اسیری اولمارام بوندان سورا

ایندی عالم ئوزگه دیر ، خوش روزگار ایستر کؤنول

اوینایوب ، گولمک ، دانشماق ، عیش و نوش ایامیدر

بلبل شیدا کیمی مین لاله زار ایستر کؤنول

هر طرف گؤلدیر ، چیچکدیر بو آزاد ئولکه میز

دائم ئوز خوشبخت خلقین بختیار ایستیر کؤنول

بیز سووه ت خلقین حقیقتله سئوون عاشقلریک

خائنی ، ادنانی یوردومدان کنار ایستر کؤنول

بخته ور ، واحد ، او کسلردیر بو خوش عالمده دیر

هر زامان بو شن حیاتی پایدار ایستر کؤنول

.