بوگون ده هر گون کیمی اوخوندو اذان
بیر هؤرومجک توروندان آصیلیدی زمان
کیچیک دکانلاردی آنجاق چالیشان
و کیچیک قابلارلا اؤلچولوردو گذران
سسسیزلیک هر کورولتویا اوستوندو
هاوادا اوزرلیک توستوسویدو مسکینلیک
و یئددی پرده آرخاسیندا یالدیزلی چیرکینلیک
بیردن بیره تیتره‌دی بعدلر
دوغولدو قارانلیقلاردا اولدوز
بیر چیغلیق
اَندی یالدیزلی قبه‌نین تپه‌سینه
چیبان پارتلادی
نفرت و کین یاغدی دولو – دولو
ایلدیریملار شاخلادی
انتظاردا اوره‌کلر ووروردو
قالین آلتین چارچیوالی آینالاردا
عکس ائتدی یئب یئکه گیزلی بیر کؤلگه
کابوس آلوو آلوو یانغیندا اریدی
و کوللردی گنجینه‌به بایرامین ارمغانی
و کوللرده دوغولان امید سسلندی
آچیلمیشدی ایشیغین دیلی
دانیشدی خاطیره‌سیز سئوگیلی
بلکه صونو گلمیشدی تاسالارین
بلکه رنگی باشقایدی آرتیق صاباحلارین
توضیحات و لغات:
هؤرومجک: عنکبوت
یالدیزلی: مطلا
بَعدلر: ابعاد
چیغلیق: فریاد
آلتین: طلا
تاسالار: نگرانی ها و غم ها
مطالب مرتبط
سئوداسی ایچون
بازگشت – شعر از پرفسور غلامحسین بیگدلی
دیلیم – مجیدزاده