کبابی کؤز اولدوره ر

سورمه نی گؤز اولدوره ر

ایگیدی قیلیش کسمز

طعنه لی سؤز اولدوره ر
کروان یولا دوزولور

خومار گوزلر سوزولور

نئجه من آغلاماییم

الیم سنده ن اوزولور
من عاشیق هزار دؤنر

دولانار گزر دؤنر

دونیا بیر دگیر ماندیر

در ، ده ن ین ازه ر دؤنر
بو داغدا مارال گزر

تئللرین دارار گزر

من یارا نئیله میشم

یار مندان کنار گزر
پنجره دن باخدی یار

باخدیم گوردوم یوخدو یار

نه اوره کده تاب قالدی

نه آیاقتدا اختیار
عزیزینم یاری تر

یاری قونچا ، یاری تر

کیپریک چالما گؤزلریم

کولگه توشر ، یار ایتر
قوزولار ملـــر گلـــر

داغلاری دلـــر گلـر

نامردله دوست اولانین

با شینا نه لر گلر
قیزیل گولو دررلر

مخمل اوسته سررلر

خیری اولسون اوقیزین

سئوگی سینه وئررلر
قاپی میزدان گئشدی یار

گیوه گئیمیشدی یار

سسلدیم سس وئرمدی

ائله بیل کوسموشدو یار
داغلار باشی توتوندور

کیمین قلبی بوتوندور

اییل اؤپوم اوزونده ن

دونیا اؤلوم ایتیمدیر