مدینه گلگون
دینله دیم سسینی فرحله ، شاعر
او حزين بولاقلار یادیما دوشدی
اود سالدین سینمده هر تئله شاعر
یاخینلار، اوزاقلار یادیما دوشدی…
بیلمیرم سئوینجدن ، یوخسا قهردن
سسینین آخاری قیریلدی هردن
کئچدیم قارا داغدان، کئیچدیم اهردن
ایگیتلر، قوچاقلار یادیما دوشدی …
خیالیم دولاندی حیدر بابانی
اوبويوك ، مقدس ائلی، اوبانی
بیر آندا قاینادی قلبیمین قانی
اویانان او جاقلار یادیما دوشدی…
گلگون ، قوی کونلوموز دیل آچسین ینه
بوالفت مژده لر گتیر میش منه
بیر بایرام هاواسی دولدی وطنه
قندیللر چراغلار یادیما دوشدی
مدینه بوشعری استاد شهریارین «حیدر بابا منظومه سینی» شاعرین ئوز سسی ایله دینله دیگی زمان دئمیشدیر.
شعر ۸ قطعه دن عبارتدر بیز بورادا اونون ۴ قطعه سيني كتيره بيلديك.
مطالب مرتبط
وطن عشقی
یورت ماهنیسی
استاد شهریار و قاچاق نبی