توتموش بوگون اوجالماغا، دونمز اياغ ائليم
اولسون همیشه حق ایله ، دنیاده ساغ ائليم
چیرمانمیش ائتسین ئوز قوجامان وارليقين بنا
قورسون همیشه ليك ، آلیشان كوز اوجاغ ائلیم
آتلانمیش ئویله، سانکه ایگیت قوچ کور اوغلودر
آنجاق بوگون قلینجی قلم ، چال پاپاغ اٹلیم
گؤنلوم سئوین که اوغرون اولوبدر ایشیق بوگون
ایللرجه آچمادان گوزون ، اولموش اویاغ ائليم
تاريخلر ایچره فرصت، اولوبدورسا چوخ بیزه
بيلمك كرك، بو گونکونی کسگین سیناغ ائلیم
دوشمز بونونجا بیرده اینان کیم . قاچار زمان
گوستر گوجون ، نه وارسا ئوزونده سوراغ ائلیم
پارلات بوگون توتولموش اوزون . ملی وارلیقین
اولسون اوزون گونش کیمی ، اولدوقجا آغ ائلیم
سؤنموشسه ئولمه دن آتالیق یوردوموزدا ، کون؟
جاندان گرکدی ، یاندیرا ئولمز چراغ ائلیم
قیرمیشسا شاختالار قره قیشلاردا ، ال – قولون
آتسین بوگون کی یازدا تو کنمز بوتاغ ائليم
چالمازدی نیسگیلینده ، آغیر گوزلریم قاپاق
بیرگون ، گورم که یوردونا اولموش داياغ ائليم
تانریم، بوغونتی گونلری دوندرمه بیرده ، کیم
سردی لاله لرکیمی ، باغريندا داغ ائلیم
چکمیشدی هرنه چوخلی جفالر ، وفا اوچون.
گور موشدی ئوزگه لردن آجیقلی قيناغ ائليم
ایسترسه بیرده دشمن اونا قارشی دورماسین
حق اوردوسوندان اولماسین هیچ بیر اوزاغ ائلیم
تبریزلی ، ائیلر اوندا گوونلرکه . ئوزگه رنگ
بیلسین نه در . که توتماسین هیچ بیر بویاغ ائلیم
گنتمز یرئوزگه ایزلره چاشماز وفا يولون
چون ملی یول بیلیرکه نه سولدر ، نه ساغ ائلیم
سئوگلی وارلیق در گیسینه سونارام
۵۸/۳/۱۳ – تبریزلی علی
قایناق : وارلیق ، آیلیق فرهنگی آذری فارسجا نشریه ، سایی 2 اینجی 1358 جی ایل ین خرداد آیی
مطالب مرتبط
آذربایجان ادبیات تاریخینه بیر باخیش (۶)
سئوداسی ایچون
بوگوندن صاباحا