ائل باشین ساخلادان – خسته قاسیم

ار، اودر کی، ائل باشینی ساخلادا

البته اؤز باشین ساخلار هر کیشی

دوشمن باریشدیرا ، قانلار باغلايا

اودور ائل ایچینده معتبر کیشی

یالان سوز بعضینه، شوکتدی، شاندی

آخشام سؤز دانشیر، صبحی پئشماندی

یئیه ر نانی نمک ، گئده ر، دوشماندی

ائله آدام، نه آرواتدی، نه کیشی

نامرد جهدی ، اونو مرده یئتیرمز

قو ناق گلسه پارا چؤره ک گتیرمز

اوت كؤك اوسته بيته ر ، اصلین ایتیرمز

اینانمیرسان ، ائیله گینن تفتیشی

« خسته قاسیم » دو شمنینی آت گینان

متاعینی خریدارا سات گینان

شاه مردان دامنینی توت گینان

اللاهی سن چاغيـــر ائتمه تشویشی

ائل اوبا