بر یرده ساواش قوپسا دا
بر یرده باریش دی
باق آستارا دا گللو باهار
خوی دادا قیش دی
الوان دی سیرا داغلاریمز
سانکی ناقیش دی
باشدان باشا آذربایجان
باغ جنان دی
ماوی خزرین پرده سی
مین رنگه چالاندی
ائل اوردوسودر ، قلعه سی
قارلی ساوالان دی
یوردومدا آخار چایلار
اوزوم باغلاری واردر
فيشلا قلاری وار
عطر لی یایلا قلاری وار
اولدوز لو گنجه در
گللو سحر چاغلاری واردر
بوزقیرلارین (ایستپ) آردنیدان
ائلیم برگچه کوچموش
بو يورد اقونوب
ان بو يونو یاخشی جا اولچموش
کهریز چیخاریب دی و
سرین شربتین ایچمیش
انللردی ائدن اورمیه نی
تبریزی گلشن
گند سن بیلیرم ، اردبیله ،
بير سحر ارکن
هر پرده انلین
نقش و نگارین گوره جکسن
الدانما شیرین سوزدئسه
خان یوخدی وفاسی
خان ، بیر ازلی دوشما نمیز در
بیزه عاصی
دامدان دوشوب آرتق
او حريفين يئره طاسی !
دور ، پورت کشیگین ده ، ایگیتیم !
باق ، اويانيق اول !
خان ، سوتلي اينك ايسته ير
اربابی دا پترول
ورمه ، بو حريف كيفلی دی ها !
اوز ائوینه پول ….
من سويله مرم حسرته قاتلان
ستمه دوز !
برچوق آنالار ، یوللارا
ایل لردی تیکیب گوز
خان ورسه ده آزادلیق
اینانما ! .. نه یالان سوز ! …
گل ! کوچمه وطن دن
یادا بئل باغلاما قارداش !
دوران بیله گتمز ، قالاماز
داش اوزه ره ، داش !
شمشك (ایلدریم) كيمى چاق !
سئل کیمی آخ !
چالخالانیب ، داش !
مطالب مرتبط
ترهاتا اینانما – استاد ساهر
مولوی دن فارسجا – تورکجه بیر شعر
شفاهی خلق ادبیاتی