یارما آشی

تورک مطبخ مدنیتینده آش‌لارین چوخ اؤزل بیر یئری واردیر

تورک مطبخ مدنیتینده آش‌لارین چوخ اؤزل بیر یئری واردیر. هر سوفره‌نین اولماسا اولمازی‌دیر آش.

گون‌اورتا و آخشام یئمک‌لری‌ ایله یاناشی، سحر یئمگینده ده آش ایچمک اولدوقجا یایقیندیر.

سولو، یا دا قیواملی، دانه‌جیک ایچه‌رن و یا ایچه‌رمه‌ین، سویوق و یا ایستی ایستی یئییلن بیر چوخ فرق‌لی خؤرک نوعو وار کی، تورک مطبخینده.

اونلاردان بیر دنه‌سی؛ “یارما آشی”. تورک مطبخینده گئنیش ایستیفاده ائدیلن یارما ، بوغدانینین سینمیش، پارچالانمیش فورماسی‌دیر اصلینده.

بوگون تعریفینی پایلاشاجاغیمیز “یارما آشیندا آدین‌دان دا آنلایاجاغینیز کیمی بولغور ایستیفاده ائدیلیر. پیشیریلیرمه‌سی آسان، لذتی یئرینده گؤزل بیر آش.

یارما آشی اوچون لازیم اولانلار:

2   باش سوغان

250  قرام چرخ‌کرده ات

1  یئمک قاشیغی کره یاغی

1  یئمک قاشیغی بیبر روببو

1  ایستکان ایری پارچالانمیش یارما

6  ایستکان ات سویو

1  ایستکان پؤرتموش نوخود

1  عدد پورتغال قابیغی رنده‌سی

1/2  ایستکان پورتغال سویو

دوز، قارا بیبر

زامان گلدی “یارما آشی”نی پیشیرمه‌یه.

سوغان‌لاری اینجه اینجه دوغرایین و کره یاغیندا قووورون.

داها سونرا، بیبر روببو و چرخ‌کرده اتی علاوه ائدین. بیرلیکده بئش دقیقه داها پیشیرین.

چرخ‌کرده اتی قووردوفدان سونرا پؤرتموش نوخودو، پورتغال سویونو، پورتغال قابیغی رنده‌سینی و یارمانی دا علاوه ائدین.

ات سویونو دا علاوه ائده‌رک آشی قایناماغا بوراخین.

قاینایاندا دوزونو و قارا بیبر علاوه ائدین. بیر داشیم داها قاینادین. اگر ایسترسه‌نیز اوستونه اینجه قییلمیش نعناع بزه‌یه‌رک سرویس ائدین.

عافیت اولسون.

TRT