مظفر
وطنين عشق اودونا بردل دیوانه یانار
نئجه کیم شعله شمعه پر پروانه یانار
یاندی قورتولدی کونول، لیکن اونون سوزیندن
اود دوشوب ایندی داخی جسم پریشانه یانار
یوکسه لیب کو کلره ناری، یتیب آفاقه اودور
اودلانيب شانلی گونش آتش نیرانه یانار
نئجه فریاده گلیب ایله میوم آه و فغان
قوورولوب قانلی کؤنول حسرت جانانه یانار
عشقی انکار ائلیه ن گه ل، دلی پروانه یه باخ
جانینی گور نه ووروب شمع شبستانه یانار
ساقیا مجلس می ایچره دئمه نام وطن
اودلانار سینه لر اوندن می و میخانه یانار
کیمسه نین اولماسا قلبینده وطن عشقى يقين
عمری بیهوده سوروب آتش خسرانه یانار
قیلدیلار «شانلی وطن نامینی» ممنوع منه
سويليه ر سن بئله بیر ظلمی هر انسانه یانار
شاعرم حب وطن دور منه عالمده شعار
اودی کیم عشق اودونا بودل دیوانه یانار
یان «مظفر» که بو یانماق سنه بیر نعمت دور
ئولودور کیمسه که نه یاندیرا بیلمه ز، نه یانار
مطالب مرتبط
یورت ماهنیسی
استاد شهریار و قاچاق نبی
کؤنول