چیچکلردن سنی کؤنلوم
دیلر کئچر، دردین آلیم.
خیالین تئز – تئز یانیمدان
گولر، کئچر، دردین آلیم!
داغ باشینی آلدی دومان،
کؤرپه قوزو آناسیندان
آزیب آیری دوشن زامان
مَلر کئچر، دردین آلیم
دئمه: دونیا بیر قفسدی،
ماهنی لارین قورو سسدی …
عشق، سئودا ، بیر هوسدی،
گلر، کئچر، دردین آلیم ۔
باهار چاغی، سحر ائر کن
گوی چمنده گزنده سن،
بیلیرسن می اورگیمدن
نه لر کئچر، دردین آلیم؟!
مطالب مرتبط
آذربایجان ادبیات تاریخینه بیر باخیش (3)
بایاتیلار (دوبیتی های ترکی آذربایجانی)
مجمع الخواص دیوان و منشآت – صادقی افشار