برای دانلود فایل صوتی اینجا کلیک نمایید
شاعر : امین رسولی
سلام علیکینی کسمه، کی وار اَریک ، هله لیک
بو باغ سنین ، بو کونول سئوگی ، اوسته لیک هله لیک
پریشانام گزیرم شاهدیم قدیم کوچه لر
تاوار ، بازار ، تزه میدان ، پیرتمه لیک هله لیک
گدیب سراغینی قارتال داشیندا آختاریرام
دیه م گلیب ساوالاندا ، چکیر کئشیک ، هله لیک
یا بلکه ده ساری داشدان دوران او هیکل دیر
شهر یئرینده باشین ساخلاییب دی دیک هله لیک
منیم کی قورخو یوخومدور دوشم آیاقدان اله
آیاق دا اولماسا واریمدی الده چه لیک ، هله لیک
بیر ایلدی سئرچه کیمی دیمدیگیمده چوب داشیدیم
اوچوتمویاق یوردو، باشلا بیرده تیک هله لیک
باشیمدا مین دنه مس گر دوکانینین سسی وار
فیلارمونیکدی چالیر سمفونیک موزیک هله لیک
عاشقلار عشقینه بو عشقه دورد آشیق آتدیم
نه آلچی دوردو، نه تووخان ، نه بوک ، نه جیک هله لیک
بیچاق، اوغراق، قمه، اوخ، دهره، بالتا ، کرکی ، گزن
بو عشقی دوغراماغا اولدولار شریک هله لیک
کسیک-کسیک کسیلیبدیر ، بولوک-بولوک بولونوب
ایپک کیمی اورک اولموش دلیک-دلیک هله لیک
مطالب مرتبط
گودو گودو – خدای باران
هنر تذهیب ؛ گنجینهای مشترک در فرهنگ ملل
کندیمیزین تویلاری