گؤرمه دیم – حسین جاوید

بیلمه دیم ، اویدوم بو مجنون کؤنلومون فریادینه

عشقه دیل وئردیم ، بلادن باشقا بیر شئی گؤرمه دیم

روحی مجروحیم گؤزل لردن وفا بکلر یئنه

من هنوز اصلا جفادان باشقا بیر شئی گورمه دیم

گؤرمه دیم اصلا تیکان سیز گول ، قارانلیق سیز ایشیق

هر وصالی دایما تعقیب ائدر بیر آیریلیق

سؤیله ییرلر: دایمی ذؤوقو سعادت وار ، یازیق!

سئیر ائدیب بوش ادعادن باشقا بیر شئی گؤرمه دیم

گؤردویوم هر مضطرب سیمایه دؤیدوم مرحمت

یاره ، هم اغیاره یار اولدوم دا ، سئودیم بی جهت

آشینا ظن ائتدیگیم هر اوزده هیهات ! عاقبت

بوش تملق دن ، ریادان باشقا بیر شئی گؤرمه دیم

هر محبت بیر خیانت ، هر گولوش بیر حیله دیر

هر سعادت روحو اوخشار چوخ سؤنوک بیر شعله دیر

بلکه وار سهویم؟ فقط گؤردوکلریم هّپ بؤیله دیر…

گؤرمه دیم ٰ اصلا بلادان باشقا بیر شئی گؤرمه دیم