ائل اوبا – اسکی ( قدیم ) زامانلاردا بیر کندده بیر وارلی آدام وارایدی. بونون دا بیر یوخسول چوبان قارداشی وارایدی. بیر گون دؤولتلی قارداش اؤلؤر ، بوتون وار – دؤولتی یوخسول قارداشینا چاتیر.
یوخسول چوبان بیر بئله مال – دؤولتی گؤرنده اؤزوندن چیخیر.
داها قاباقکی آدام دئییلدی. اؤزونده بیر قودرت دویور واؤزونو بیر شئی بیلردی. گئدیب چیخاردی داغینباشینا ، یولدان کئچنی سسله یردی؛ اوهو…ی!
جواب وئرردی : هو…ی!
چوبان دئیردی : هئچ ، کئچ !
بیر گون کندین آغ ساققالی دئدی : گئدک گؤرک بو ، نییه بئله ائیله ییر!؟ بونا نه اولوب ؟ یوخسا باشینا هاوا گلیب.
نئچه نفر ایله گلیرلر. چوبان بونلاری گؤرنده اوزاقدان سسله نیر: اوهو…ی!
آغ ساققال جواب وئریر هو…ی!
چوبان دئییر : هئچ ، کئچ!
گلیر چوبانین یانینا.
کندین آغ ساققالی سوروشور : بونه اویوندور چیخاردیرسان؟ یعنی نه اولسون ، اؤزونو گولونجه قویوبسان !
چوبان دئییر : ایسته ییرم بیلم کی ، هامی منیم فرمانیمدادیر یا یوخ!
قایناق : آذربایجان فلکلوروندان ، ائل بیلیگی ثروتیمیز ، یازان : علی ظفرخواه ، یاییم : تبریز ، نشر یاران
مطالب مرتبط
اساطیر و حماسه ترک و ویژگی‌های آنها
گوج بیرلیکده دیر
ادبیات ترکان باستان