بو دونیانین عذابی چوخ
حاققیندا حاقق حئسابی چوخ
قویونوندان قصابی چوخ
قویون اولماق چتین شئی‌میش
بوینوندان چاتی ساللانیب
بیر چنگه اوتا آللانیب
یئییب، کؤکه‌لیب، باللانیب
قویون اولماق چتین شئی‌میش
کؤتوک‌لر قارالان یئرده
پیچاق‌لار جان آلان یئرده
چوبان‌لار قورد اولان یئرده
قویون اولماق چتین شئی‌میش
ایت اولوب هورمه‌دیک آیا
ییخدی بیزی عابیر-حیا
قویون اولمایا-اولمایا
قویون اولماق چتین شئی‌میش
🪶 رامیز روشن
بیزیم سولدوز
مطالب جالب
نظامی گنجوی شاعر بزرگ تُرکان آذربایجان
آذربایجان ادبیات تاریخینه بیر باخیش (2)
جهنم ده بیتن گول – عاصم اردبیلی