قوشلار ( پرنده ها ) – اوشاق لار اؤچؤن شعر

قوشلار – قوشلار – آ قوشلار

قارانقوشلار – آ – قوشلار

چه چه وورون بورادا

گاه یئرده گاه یووادا

قونون بو تک بوداغا

چوخ گئتمه یین اوزاغا

آ قوشلاریم گئتمه یین

منی غمگین ائتمه یین

قوشلار نئچون گئدیرسیز

یوخسا کی سئیر ائدیرسیز ؟

بیر سس گلیر اوزاقدان

ائشیدیرم بایاقدان

قیش گونلری یاووق دیر

سیزین یئرلر سویوقدور

وار ایستیجه اؤلکه لر

قیشدا سیزه خوش گلر

صبر ائله قوی یاز اولسون

بیر قار یاغیش آز اولسون

سوقات گتیرر قوشلار

بیزه گؤزل ماهنی لار

ائل اوبا