قوبالی قیز – شعر از سلیمان رستم (1906-1989)

شاه داغیندان آستن یئللر ساچلارینی داراسین،

سنی سئون قودیال چایین ساحیلینده آراسین،

دیلین آنا تورپاغی نین میوه سیندن شیرین دیر،

محبتین اور گیمدہ دریالاردان دریندیر.

سن عؤمرومون چیچگی سن قوبالی قیز، قوبالی،

گؤیچک لرین گؤیچگی سن، قوبالی قیز، قوبالی.

نفسیندن دویورام من چیچکلرین عطرینی،

بو دونیادا منیم قدر بیلن و ارمی قدرینی؟!

شهرتینی اولدوزلارا، آیا، گونه یاز میشام

صورتینی محبتله اورگیمدن آسمیشام.

سن عؤمرومون چیچگی سن، قوبالی قیز، قوبالی،

اور گیمین اور گیسن قوبالی قیز، قوبالی.

خزان بیلمز عؤمروموزون ہو معنالی چاغیندا

گول، همیشه باهار گولسون عشقی میزین باغیندا.

جانان دثسین گئجه – گوندوز منیم اورک تئللریم،

آغ گؤیرچین اللریندان آیریلماسین اللریم.

سن عؤمرومون چیچگی سن، قوبالی قیز، قوبالی،

وطنیمین بزگیسن، قوبالی قیز، قوبالی!

ائل اوبا

منبع : کتاب آذربایجان سئوگی شعرلری ، ترتیبچی : هاملت عیسی خانلی ، کؤچورن : محمد عبادی قارا خانلو ( آلیشیق ) – نشر اختر تبریز