فولکلوریک حئکایه لر – پهلوان دییرمانچی

ائل اوبا – شیرین کندی نین یانیندا اوسوب خان (یوسوف) دییرمانی وارایدی. دییرمانچی ، گؤجلو بیر پهلوان ایدی.

شؤهرتی خویو آشیب بوتون آذربایجانا یاییلمیشدیر. آرازین اوتاییندا بیر آدلیم ائرمنی پهلوان خورجونون چیگینینه آشیریر جنوبی آذربایجانا گلن تاجیرلره قوشولور گلیب خویا یئتیشیر.

سوروشور ، گئدیر گئجه نین چاغی اوسوب خان دییرمانینا یئتیشیر دئییر :

منی بو گئجه قوناق ائدرسن می ؟

دییرمانچی کیشی ، قوناغی سئوگی و سایغی یلا قارشیلاییر.

فتیر بیشیریرلر . ائرمنی پهلوان اونلوقدان بیر آز اون گؤتؤروب ایکی بارماغیندا سورتور و دئییر :

ائله بیر دییرمان اونو یاخشی اویوتمور ایری چیخاردیر ، گئت دییرمانین سویون سؤو. من بو داشلاری دیشه ییم .

دییرمانچی گئدیر . ائرمنی پهلوان دییرمانچی نین چاریقلارین گؤتورور ، دامین آغیر یوغون حامبالینی قووزایاراق ، چاریقلاری سیتون لا حامبالین آراسینا قویور.

( دیرکلرین بیر باشی قییم حامبال دیرگی نین اوستونده اولار ، سیتون دا آلتدان حامبالا دایاق اولار . )

دییرمانچی قاییدیر چاریقلارین گئیسین ، گؤرور چاریقلار یوخدو ، اویان بویانا گؤز گزدیریر گؤرور چاریقلار سیتونون کلله سی حامبالین آلتیندادیر.

دیرمانچی ایشی آنلاییر ، الین آتیر دییرمان داشینی ایشله دیگی حالدا قووزاییر و دئییر :

دییرمانین سویون سووماق ایسته مز ، گل آل دیشه !!!

ائرمنی پهلوان دییرمانچی نین گؤجؤنه مات قالیر و اؤزؤنو مغلوب گؤرور.

قایناق : آذربایجان فلکلوروندان ، ائل بیلیگی ثروتیمیز ، یازان : علی ظفرخواه ، یاییم : تبریز ، نشر یاران

ائل اوبا