شانلی حقیقت

عالمده اگر اولماسا بیر شانلی حقیقت

لابد پوزولار نظم جهان، نقش طبیعت

یر اوزره چو که ر وحشی قارانلیق، آجی ظلمت

دنیانی دوتار ،ظلم، جفا، جور، اذیت

تاپماز بوجهان ایچره دخی کیمسه سعادت

چولغار بوتون انسان اولانی خوف ایله وحشت

يوخ، يوخ بو طبيعتده گونش واردر ، ایشیق وار

نور ایله حیاتین آراسیندا یاراشیق وار

هر ئولکه ده حريته مینلرله عاشیق وار

افسانه دگیل کلمه حق، لفظ عدالت

بسدور، بوقدر قانلی کونول ایله مه افغان

فریادینیله قیلما گیان باغریمی آلقان

آه ایله قوپارما بوضعيف جسده طوفان

چوخ ایله مه ظلم ایله جفادن منه صحبت

بیر گون یته ر اول گون دخی آزاد اولار انسان

آزاد اولی سوز، فکر، قلم، شاداولی وجدان

اولماز دخی بو برده ستم رسمی نمایان

دنیانی دوتار قهریله بیر قوه لی قدرت

اول قدرته سويله رعقلا«ائل گوجيدور» او

حقسیز لیگه ، بیداده جوشان سئل گوجیدور او

مظلوملار آهیندان توره یه ن یل گوجيدور او

بیردم آلا بیلمه ز قاباغین سد شقاوت

باخ گور نئجه اماده دور اول نهضته ئولکه م

آرتد يقجا قارانليق بو افقلرده دمادم

خلقيم اولور عزمینده داها ثابت و محکم

«پارلاربوبا خنيليقدا یقین شانلی حقیقت»

مظفر