سرو خرامان تاپمیشام – نظامی گنجوی

رویاده من جنت شمعین ، جان ایچره رخشان تاپمیشام

اول شمعه یوز پروانه نی ، بیر آندا حرمان تاپمیشام

آختاردیم عطرین عنبرین ، گؤردوم جلالین سرورین

حسنینده طالع مظهرین ، خانمده مهمان تاپمیشام

مدتدی عشق لب دییه ، آختارمیشام ” یارب ” دییه

ظلمات شبینده سئوگییه ، بیر آب حیوان تاپمیشام

بؤیله ائشیتدیم ، اول صنم ، حسن و وفانی قیلدی جم

گؤردوم جمالین بیرجه دم ، بیلدیم کی عمان تاپمیشام

یورغون آدام یاتماق دیلر ، تشنه سویا چاتماق دیلر

آی چشمه سی باتماق دیلر ، حسنونده تابان تاپمیشام

سؤیله دیلر کی ، نیشکر ، دایم اولور شیرین و تر

آلدیقدا من بؤیله خبر ، سرو خرامان تاپمیشام

چیخسام بو شرحیمدن کنار ، طبع نظامی قان اولار

اولماز خزینه آشکار ، من گنج پنهان تاپمیشام