تورکجه بایاتی – دوبیتی های ترکی آذربایجان

سو گلیر داشا – داشا

داغلاردان آشا – آشا

عرض سلام گتیریر

بوتون قوهوم قارداشا

عاشیق باغ آراسیندا

دومان داغ آراسیندا

شمع کیمی آلوولاندیم

یاندیم یاغ آراسیندا

بئچارایام ، بئچارا

بئچارایا نه چارا؟

قاپیم حقدن باغلانیب

کیمه گئدیم آچارا؟

عزیزیم باغدا دارا

زولفون آچ باغدا دارا

بولبولو گولدن اؤترو

چکدیلر باغدا دارا

عاشیقام ایشیقلارا

زولفو دولاشیقلارا

الیمه بیر ساز آللام

قوشوللام عاشیقلارا

دیلیمین اوستو یارا

آلتی قان اوستو یارا

کسه رم دیلیم سنی

نه دئدین دییب یارا

من عاشیق دگدی یارا

سوگلدی دگدی یارا

لال اولسون دیلیم منیم

نه دئدیم دگدی یارا

من عاشیقام سالماسا

خوی دان گئدر سالماسا

بنده – بنده یه نئی نر

الله گؤزدن سالماسا

چیخدیم داغین باشینا

یازی یازدیم داشینا

گلن گئده ن اوخوسون

نه لر گلدی باشیما

من عاشیقام حالی نا

اوزده قوشا خالی نا

لالا بنؤوشه یئتمز

یارین گول جامالینا