کهر آت یالین اوینات
آیاقدا نالین اوینات
یار سنی مینیب چاپسا
باشیندا شالین اوینات
گؤیده گئدن قوشا باخ
دیمدیگینده داشا باخ
نامه یازدیم یوللادیم
اوستونده قان یاشا باخ
آرازین چئشگینه باخ
اوروسون مشقینه باخ
اوخورام درد الین نن
دئییرلر عشقی نه باخ
غریبم وطنیم یوخ
اسیرم ساتانیم یوخ
دوشدوم درین دریایا
الیم نن توتانیم یوخ
عزیزینم داغا باخ
گولشنه باخ باغا باخ
غربت یئرده چکیلن
سینمده کی داغا باخ
بیر آت میندیم باشی یوخ
بیر چای گئشدیم داشی یوخ
بوردا بیر غریب اؤلوب
قوهومی قارداشی یوخ
الیمده یایی ما باخ
گول اوزلو آییما باخ
چکدیگیم زحمتیمه
آلدیغیم پاییما باخ
داغلارین باشینا باخ
قومونا ، داشینا باخ
یار منی قویوب گئتدی
گؤزومون یاشینا باخ
گؤز اوسته قاشلارا باخ
هؤروکلو ساشلارا باخ
آغ داغا یولون توشسه
خومار باخیشلارا باخ
داغلارین باشینا باخ
قومونا داشینا باخ
من سئودیم یاد آپاردی
دؤنیانین ایشینه باخ
مطالب مرتبط
شانلی حقیقت
محمد فضولی ؛ سید عظیم شیروانی نین تذکره سیندن
نظامی گنجوی شاعر بزرگ تُرکان آذربایجان