تاپماجالار – چیستان های ترکی (2)

1- ات دن دیوار

2-اته ک دولو آشق دیر، ایچینده بیرسققه سی

3- اتی وار ، جانی وار ، قانی یوخ

4- ازل واریدی یئییردیک ، یئمه سیدیک اولوردوق ، ایندی ده وار یئمیریک ،یئمیریک ده اولمیریک

5- اژدهادیر انسانی بودار ، انسان اونون اودونی اودار

6- اذان وئریرناماز قلیماز ، آرواد آلیر کبین قورماز

7- اصلی بدل دیر یا علی ، غسلی بدل دیر یا علی ، یاشیل اکیره م قیرمیزی چیخیر، سبب نه دن دیر یاعلی؟

8- اکدیم نوخود ، چیخدی سویوت ، یارپاغی توت ، میوه سی آرمود

9- اکدیم پالوت ، چیخدی شابالوت ، اورتادان بیر زوغ وئردی ، نه پالوت دی نه شابالوت !

10- اکیل بکیلقوش ایدی ، دیوارا قونموش ایدی ، گئددیم اونو توتماغا ، او منی توتموش ایدی

11- اله دئدی اله دیم ، دولا دئدی دولادیم ، یاپدیم ایستی چوخوردا ،  اوزاق یولا یوللادیم

12- الله اکبر دره سینده ، گول بیتیب دوره سینده

13- الله اکبر دره سینده ، قیل بیتیب دوره سینده ، چارلانوب چادیرلانوب ، ایمان وار آراسیندا

14- آغ صاندیغیم آچیلدی ، ایچیندن ایشیق ساچیلدی

15- الینده اوراق ، قوللاری داراق ، اوستونده خرمن ، آلتیندا دئیرمان

16- الی یوخ قاپونی آچار ، قاناتی یوخ گویلره اوچار

17- ائل یاتدی ، اوبا یاتدی ، قنبر دیلین اوزاتدی

18- ائوین قارا قوللوقچوسو، بیر الی خیدمت ده ، بیر الی بئلینده

19- ائوده بیر ده رین قویو وار ، ایچینده سرین سویو وار ، سویوندا ایلان یوواسی ، باشیندا گوهر بالاسی

20- ائوده بیر قوناق کیشی وار ، کوندله ن جه یاتیشی وار.

جاوابلار

1- دیش لرین اتی – لثه

2- آی و اولدوزلار ، آشیق: قویونون قول و قیچ سوموک لرینی بیر بیرینه باغلایان سوموک دور کئچمیش ده اوشاقلارین اویونجاقی سانیلیردی

سققه آشیق لارین ان بویویو ، آشیق اویونوندا اونجه ده گئدن آشیق

3- آری – بال آریسی

4- آنا سودو

5- سیغار – پاپیریس

6- خوروز

7- حنا – حنا اونجه یاشیل اولور و اله یا ساچا یاخیلاندان سونرا قیرمیزی اولور

8- پامبوق

9- قاطیر

10- گونش – گونون ایشیقی

11- اون – خمیر – تندیر و نهایت اونو چؤره ک ائدیب و اونو یئمک

12- آغیز-بوغ – ساققال

13- بوغدا و تارلا

14- گون چیخان چاغی

15- کومباین – بوغدانی بیچیب و اله ین ماشین

16- یئل – کوله ک

17- قفیل – مارا آدلی قفیل لر بو قفیل لرین آچاری اوزوون اولوردو

18- آفتابا

19- لامپا چیراغی – پیلته سی – اودو

20- مرفش – یورقان دوشک باغلی سی