آرخ ایچی داشلا دولار
اوزوکلر قاشلا دولار
یادیما سن توشنده
گوزلریم یاشلا دولار
قارا باغدا تالان وار
زولفون اوزه سالان وار
گئدیرسن تئز قئییت گل
گؤزو یولدا قالان وار
آی چیخار اوزاق توشر
شمع یانار چراغ توشر
یار گؤزؤنده ن توشن لر
کونولده ن ایراق توشر
آغلارام یاشیم گئدر
دورسام یولداشیم گئدر
گئچمرم گوزل یاردان
بولسه م کی باشیم گئدر
عزیزیم ناشی داغلار
اؤلکه مین باشی داغلار
سراغلاشیب تاپارام
یاری یولداشی داغلار
گویده بیر جوت قوش گئدر
بیر بیر ایله توش گئدر
عهدیوه وفا قیلسان
الله دا خوش گئدر
من عاشیق چارام یوخدور
غم ایله آرام یوخدور
دردیم سنین دردین دیر
کیمسه دن یارام یوخدور
آراز اشاندا ملر
سویو داشاندا ملر
سئوگی اوز سئوگیسیندن
آیری دوشنده ملر
آراز داشاندا ملر
کور قووشاندا ملر
بالاسی اؤلموش جیران
داغی اشاندا ملر
سو گلر سئللندیره ر
باغچانی گؤللندیره ر
دردلی نی دیندیرمه یین
درد اؤزو دیللندیره ر
چاتیب باشیز داغلار
بولونور یاشیز داغلار
هجران سیزه ده دوشدو
آغاردی باشیز داغلار
بستانام تاغیم آغلار
وورما یاپراغیم آغلار
ساغام اؤزوم آغلارام
اؤلسه م توپراغیم آغلار
قیزیل گؤل اؤچ گؤل آچار
اوچ یاپراق ، اؤچ گؤل آچار
چاغیرسان ابالفضلی
او یاخشی موشگول آچار
داغلارا دولو دوشر
قار یاعار دولو دوشر
قبریمی یول اوسته قاز
آنامین یولو دوشر
درویشم کشکولوم وار
بیر باغدا بئش گولوم وار
سسلره م مولا علی
سن آچان موشگولوم وار
سودا بالیق یان گئدر
آچما یارام قان گئدر
یوزلر طبیب نئیله سین
اجل گلسه جان گئدر
قایناق : اصیل بایاتیلار کتابی ، یازان : مجید عبدا… زاده – 27
More Stories
نظامی گنجوی شاعر بزرگ تُرکان آذربایجان
آذربایجان ادبیات تاریخینه بیر باخیش (2)
جهنم ده بیتن گول – عاصم اردبیلی