ای مسیحا نفس – شعر از رحیم واعظ متخلص به ( الف )

طلعتينده نه عجب گؤرملي دونيا واريميـش

باخيشيندا يقينيم مين جانا سئودا واريـميش

نه قَده ر سندن اولوب جور و جفالار من اوچون

منده آمما سن اوچون چوخلي مدارا واريـميش

هئچ بيلينميردي اول نازلي حركت شيوه لرين

تك بـه تك نقطه لرينده دولي معنـا واريـميش

باشيني قوي سينهمـه گـؤر نئجه قلبيم چـاباليـر

هر ووروشلاردا سنـه اونـدا تمنـا واريـميش

اول شيرين عشقينه فرهاد اولارام فكر ائله ديم

دالداسينـدا نه بـيلـيم دالغـالي دريا واريميش

كوي عشقينده منه تاي چوخوموش بيلميرديم

ايش كئچهندن سورا گؤردوم نئچه رسوا واريميش

اليــمي آل الينه فرصت اولارمــي هيهــات

نه بيلك كي بو گونه رخصت فردا واريميش

قصـد احسانيله دور گَــل (الف)ين بسترينه

 چون وجودونده نفسهاي مسيحا واريميش

ائل اوبا