آذربایجان تورکجه سینده بایاتیلار – دوبیتی های ترکی آذربایجانی

عزیزینم مات گئدر

یهر لنر آت گئدر

عالمه سردار جانیم

گؤرایندی سالدات گئدر

گئجه آغلار ، دان آغلار

 بو درده هریان آغلار

 سن یادیما توشنده

دردلی گويلوم قان آغلار

اوره کده یارا ، سیزلار

دردسیزلار ، یارا سیزلار

 یارالی نین دردینی

 نه بولر یاراسیزلار

اوره گیمده یارام وار

دئه گوروم نه چارام وار؟

 سنی دئییب گلمیشه م

سنسیز منیم هارام وار ؟

یاناقی گؤله بنزر

گؤز یاشیم سئله بنزر

سن بورادان گئده لی

بورا بیر چؤله بنزر

عزیزیم قنده ده یر

قوللاريم بنده ده یر

 سنین خومار باخیشین

یوز پارا کنده ده یر

داغ با شیندان یار آشار

 یار دولانار یار آشار

عشوه، غمزه، بیرده ناز

 تکجه سنه یاراشار

داغلاردان صدا گلیر

ظولم اولان دادا گلير

 گلسین منیم جانیما

دوستا هر قادا گلیر

عزیزیم بادامچالار

 بار وئرمز بادامچالار

 زولفونو قوی قوينونا

قئییده ر آدام چالار

بایاتیلار