بودا سنین بورجون

قیش ایدی. کندین جماعتى مَسچیده‌ ایدیلر. بیر کندلی موللايا ایکی چاناق بویون آلیب، موللا بونون آتا – آناسینا دوعا ائیله‌ییر.

خرمَن واختى چاتاندا، موللا کندلی‌دن او ایکی چاناق بوغدانی ایسته ییر.

کندلی دئییر: یاخشی، قوی ارباب سؤورؤورق وئرسین (خرمَنی سؤورؤورماق ایجازه‌سی).

خرمَنی سؤورؤوراندان سونرا، بیر گون کند اهلی ییغیشمیشدیلار مَسچیدین قاباغینا.

موللا اوجادان او کَندلی‌یه دئدی: ایکی چاناق بوغدا بویون آلیبسان، به نِییه وئرمیرسن؟

کندلی بیر کتیل (چارپایا) گَتیریر آلتینا قویوب اوتورور، دئییر: جماعت، من دوعا ائده‌جگم سیزده آمین دئیین!

دئییرلر: یاخشی.

کَندلی دئییر: اَلله موللانین آناسینا رحمت ائیله! اِیلاهاممی (ایلاهی آمین).

اَلله موللانین آناسینا رحمت ائیله! – ایلاهاممی.

اَلله موللانین اؤلوُوب گئدَنلَرینه رحمت ائیله! – ایلاهاممی.

سونرا کندلی اؤزون توتور موللايا دئییر: بودا سنین بورجون.

مَنیم آتا – آتاما دوعا ائیله مه میشدین می؟

قایناق : ائل بیلگی ثروتیمیز ، یازان : علی ظفرخواه ، انتشارات یاران