گؤردوم اوزونو، باغچادا لاله م یادا دوشدو،

امدیم لبینی بال کیمی، آغزیم دادا دوشدو.
بیر لاله یئتیشمیشدی بو ویرانه چمنده

باد اسدی، خزان ووردو دا، لاله م بادا دوشدو.
بیر غنچه یئتیردیم، بزه دیم، نازینی چکدیم،

آلدی فلک الدن اونو، یاریم یادا دوشدو.
بند اولدو کؤنول بیر گوله، سس توتدو ماحالی ؛

گویا کی، بو دونیادا قان اولدو، قادا دوشدو.
سوز وئردی، سؤزون توتمادی، آند ایچدی، اونوتدو؛

بلکه، دئییرم، یار اوسانیب عنادا دوشدو؟
بخت اونداکی، پایلاندی، بیری چاتمادی پایه،

دونیادا او بدبخت ده بیزیم بربادا دوشدو.

Print Friendly, PDF & Email