ائل اوبا – هاخیشتا نوروز بایرامی گونلرینده قیزلارین ان چوخ سٹودیگی اویونلاریندان دیر. قیزلار ایکی یئره بؤلونرلر ، اوز – اوزه سیرا ایله دایانارلار ، نوبه ایله هره سی بیر ماهنی اوخویار .

اوخومایانلار هر مصراع دان سونرا ال وورارلار. دسته ده کی قیزلارین هامیسی بیر بیر اوخویوب قورتاراندان سونرا اوخویا اوخویا یئرلرینی دئیشرلر.

اوخویا بیلمه ین سیرادان چیخاریلار. ماهنی لار سئوگی و قارداش محبتینه عاید اولار .

هاخیشتا اوخوماق لاری (ترانه های ها خیشتا)

دام اوسته دی دامیمیز

قوشادی ائیوانیمیز

سن اوردان چیخ من بوردان

کور اولسون دوشمانيميز

قیزیل اوزوک لاخلادی

وئردیم آنام ساخلادی

عزیز گون عزیز گئجه

یارمنی قاباقلادی

قویون گلیر مئشه دن

سودو وئریر شیشه دن

باجی، بیریار سئومیشم

بیغ لاری بنؤوشه دن


آغ دوه دوزده قالدی

يوکو تبريزده قالدی

اوغلانی درد آپاردی

درمانی قیزدا قالدی

آراز اوسته بوز اوسته

کباب یانار کؤز اوسته

اوغلانی درد اؤلدورر

بیر آلاگؤز قیز اوسته

عرقچین نین هاشمی

هارا قویوم باشیمی

منی سنه وئرمزلر

توکمه گؤزون یاشینی

کوینگی تیکن اولسون

ہویونو ہوکن اؤلسون

من سنه گؤز تیکمیشدیم

سنه گؤز تیکن اؤلسون

آغ آلما قیزیل آلما

يول بويو دوزول آلما

یا منیم ایستگیم وئر

یا من دن اوزول آلما

آ بو دره اوزون دره

گئتدیکجه اوزون دره

بوردا بیر باغ سالمیشام

دوست گله اوزوم دره


اوتایی دا ياتان اوغلان

کؤینگی کتان اوغلان

آداخلینی آپاردیلار

خبر سیز یاتان اوغلان

آ ؛ قارا آتین نالییام

اوستونه ایپک خالییام

چکمه جفامی قارداش

من اؤزگه لر مالییام

آراز گلیر لیل گلیر

دسته دسته گؤل گلیر

گولون بیرین اوزه یدیم

ساچلاریما دوزه یدیم

قارداشیمین تویوندا

اورتالیقدا سوزه یدیم

حال حالین اولسون قارداش

گول دونون اؤلسون قارداش

گول آغاجی دیبینده

گول تویون اولسون قارداش

ساچ لاریم قاتار قاتار

اوستونده قارداش یاتار

قارداشین آل یایلیغی

اؤج لاری زر یایلیغی

گنجه گوندوز دیلرم

قارداشا جان ساغلیغی

آراز قیراغی چیچک

اوراق گتیر گول بیچک

قارداشا قیز سئچمیشم

آلاگؤز قارا بیرجک

ائل اوبا

Print Friendly, PDF & Email