نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

AfrikaansAlbanianArabicAzerbaijaniBengaliChinese (Simplified)EnglishEstonianFrenchGermanHindiItalianJapaneseKazakhKoreanKurdish (Kurmanji)PersianPunjabiRussianSpanishTurkishUkrainianUrduUzbek

لینک مطلب : http://eloba.ir/?p=7520

جادی (جادو) – پروفسور حمید نطقی

من افسونلایان جادی

دیلیمی باغلادی

توت الیمندن دئدی ، توتدوم

اؤزومی اونوتدوم

من قاچدیمسا او یتیشدی

من نه اکدیمسه او بیچدی

امک منیم اولدو بار اونون

یادلار منیم یاد اونون

اوتان اؤزوندن دئدی من اوتاندیم اؤزومدن

اوتاندیم سسیمدن سازیمدان سؤزومدن

آیریلدیم اصلیمدن اؤکسوز (یتیم) قالدیم

اونا باغلاندیم کؤکسوز (ریشه سیز) قالدیم

بیر زمان گؤگلرده قانات آچان من

قارانلیق ائللرده ایشیق صاچان من

او جادئیا (جادویا) قاندیم

باطلاغا یووارلاندیم (دوشدوم)

گئجه یه گؤمولدوم (مدفون اولدوم)

یاشامادان اؤلدوم

او جادی

منی آولادی

آچیلمازسا دیلیم

من آرتیق من دگیلیم

قایناق : وارلیق ، آیلیق فرهنگی آذری فارسجا نشریه ، سایی 2 اینجی 1358 جی ایل ین خرداد آیی