نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

AfrikaansAlbanianArabicAzerbaijaniBengaliChinese (Simplified)EnglishEstonianFrenchGermanHindiItalianJapaneseKazakhKoreanKurdish (Kurmanji)PersianPunjabiRussianSpanishTurkishUkrainianUrduUzbek

لینک مطلب : http://eloba.ir/?p=1017

بایاتی

گل منی بنده آتما

خوی دان مرنده آتما

هامی منی آتیبدیر

رحم ائله سنده آتما

 

فلک ووردو باشیما

قان آخیتدی قاشیما

یاری دوست ، یاری دوشمان

ییغیشدیلار باشیما

 

عاشیق قارالی قویما

اووچو مارالی قویما

اوخون قالدی سینمده

اؤلدور یارالی قویما

عزیزیم گل دیوانا

بیر بیر چیخ نردیوانا

زر قدرین زرگر بولر

نه بولر هر دیوانا؟

 

یار دئمز سؤز یارینا

دگمه سین گؤز یارینا

ساغلار خسته کؤنول

یئتنده اؤز یارینا

 

توت آغاجی بویونجا

توت یئمدیم دویونجا

یاری خلوتده گؤردوم

دانیشمادیم دویونجا

 

اطاقین بوجاقیندا

اوت یانار اوجاقیندا

باش قویوم دیزین اوسته

جان وئریم قوجاقیندا

 

طاقچادا بولول کاسا

کاسا دؤنور آلماسا

یاریم من نن کؤسوبدور

گئدیرم التماسا

 

یول ایله گلن اولا

اویناییب گولن اولا

ایتیرمیشم یاریمی

یئرینی بولن اولا

 

عزیزینم بوباغا

بو باغچایا بو باغا

دونیادا بیر جانیم وار

اودا یارا صاداغا