نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

بایاتیلار – دوبیتی های ترکی (1)


لینک مطلب : http://eloba.ir/?p=356

تیکانا باخ تیکانا

گول یالواریر تیکانا

غربت یئرده ، یاد ائلده

گل قبریمی تیک آنا

149

تبریز اوستو مراغا

زولفون گلمیر داراغا

آختاریرام یاریمی

طاقتیم یوخ فراغا

149

آلما آتدیم نارلیغا

گوونمه بو وارلیغا

گؤزللیک گئدر سندن

الین دوشر دارلیغا

149

گوزلریین قاراسینا

خال قویوم آراسینا

یار باخیشی درماندیر

عاشیقین یاراسینا

149

عزیزیم باغلی قالا

آچیلماز باغلی قالا

منی سندن ائده نین

اوره گی داغلی قالا

149

نارینجا باخ نارینجا

ساخلارام سارالینجا

ا.. منی اولدورمه

عهدیم یئرین آلینجا

149

آل قورشاقی بئل باغلا

ساچلارینی تئل باغلا

نه یادا سرینی وئر

نه نامرده بئل باغلا

149

من عاشیق گؤزده قارا

قاش قارا گؤزده قارا

آه چکیب آغلاماقدان

قالمادی گوزده قارا

149

اوتورموشدوم اوتاقدا

نه حالدا نه داماقدا

بیر ناغافیل یئل اسدی

گول قالمادی بوتاقدا

149

عزیزیم قار قالانا

داغلارا قار قالانا

طبیب گلسین نئینه سین

اوره گین درد آلانا؟