آغاشدا خزل آغلار

دیبینده گوزه ل آغلار

یار یاریندان آیری توشسه

سرگردان گزه ر آغلار

سونام گولده باش آغلار

زولفون یووار یاش آغلار

گوزلری یولدا قالان

اوره گینه داش باغلار

دریادا دریالیقلار

سودا اوینار بالیقلار

قوللارین سالبوینوما

دئییرلر آیریلیق وار

آراز سویو یان وئرر

سسی منه جان وئرر

یارامی یاخشی باغلا

پیس باغلاسان قان وئرر

قیفیلا سالدیم آچار

قیفیل آچیلدی ناچار

چاغیر گلسین ابالفضل

او یاخشی موشگول آچار

عزیزیم یانی باغلار

تبریزین یانی باغلار

سن یادیما توشنده

اوره گیم یانیب آغلار

سو گلر بنده دیه ر

کمنده بنده دیه ر

یاریمین بیر باخیشی

یوز پارا کنده دیه ر

داغلار باشی اوجادیر

قلبیر باجا – باجادیر

وفالی دوستوم یوخدور

دئسین حالین نئجه دیر ؟

عزیزیم داشدی داغلار

سنده ن کیم آشدی داغلار

آتی گوموش بزه کلی

بیر سونام قاشدی داغلار

الیمده کی سازیم دیر

سازیم منه لازیم دیر

یاریم اولمویان یئرده

جنت نیه لازیم دیر ؟

قایناق : اصیل بایاتیلار کتابی ، یازان : مجید عبدا… زاده

 

ائل اوبا – ۲۴

Print Friendly, PDF & Email