نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

ای مسیحا نفس – شعر از رحیم واعظ متخلص به ( الف )


لینک مطلب : http://eloba.ir/?p=1934

طلعتينده نه عجب گؤرملي دونيا واريميـش

باخيشيندا يقينيم مين جانا سئودا واريـميش

نه قَده ر سندن اولوب جور و جفالار من اوچون

منده آمما سن اوچون چوخلي مدارا واريـميش

هئچ بيلينميردي اول نازلي حركت شيوه لرين

تك بـه تك نقطه لرينده دولي معنـا واريـميش

باشيني قوي سينهمـه گـؤر نئجه قلبيم چـاباليـر

هر ووروشلاردا سنـه اونـدا تمنـا واريـميش

اول شيرين عشقينه فرهاد اولارام فكر ائله ديم

دالداسينـدا نه بـيلـيم دالغـالي دريا واريميش

كوي عشقينده منه تاي چوخوموش بيلميرديم

ايش كئچهندن سورا گؤردوم نئچه رسوا واريميش

اليــمي آل الينه فرصت اولارمــي هيهــات

نه بيلك كي بو گونه رخصت فردا واريميش

قصـد احسانيله دور گَــل (الف)ين بسترينه

 چون وجودونده نفسهاي مسيحا واريميش

ائل اوبا