نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

آلاگؤزلر – شعر از صمد وورغون (1956 – 1906 )


لینک مطلب : http://eloba.ir/?p=2040

یئنه قیلینجینی چکدی اوستومه

 قوربانی اولدوغوم او آلاگؤزلر.

 یئنه جلاد اولوب دور دو قصدیمه

قلم قاش آلتیندا پیالاگؤزلر.

باشیمدان گئتمیشدی سئودانین غمی،

خیالیم گزیردی بوتون عالمی.

بو دوستاق کؤنلومو، دئیین یئنه می

چکدینیز سورغویا ، سؤالا ، گؤزلر؟

سئودا یولچوسویام ازل یاشیمدان،

کؤنلوم آیری گزیر جان سیرداشیمدان؛

داغیدیر هوشومو آلیر باشیمدان

سوزولوب گئدنده خیالا گؤزلر.

گردنین مینادیر ، بویون تاماشا،

آی دا حسد چکیر او قلم قاشا.

بیر جوت اولدوز کیمی وئریب باش ۔ باشا

یانیب شعله سالیر جمالا گؤزلر.

منیم سٹوگیلیم دیر او گؤزل پری،

قوى اوزه وورماسين کئچن گونلرى،

من قدیر بیلئم ازلدن بری،

سیزین له یئتمیشم کمالا، گؤزلر.

جهاندا هر حؤکمو بیر زامان وئریر،

دونن دؤوران سورن ہو گون جان وئریر.

ایللر خسته سی یم، یارام قان وئریر،

سیز منی سالدینیز بو حالا، گؤزلر.

صمد وورغون (1956 – 1906 )