1- آت یئمده‌ن، یئر کوٍبرَده‌ن اوًغوٍنه‌ر.

2- آت، اَر آلتیٌندا، اَر، غئیره‌ت آلتیٌندا.

3- آتا ائوینده اوٍگئی آنا، اَر ائوینده قاینانا.

4- آتا آنا آجیٌ آلما یئسه، اوْغول قیٌزیٌن دیشی قامار (قاماشیٌر).

5- آتا اوْغلو، آتاچ دوْغار.

 

6- آتا باباسیٌن تانیٌمیٌیان خانلیٌق ایدّیعاسیٌ ائده‌ر.

7- آتا دوْست کیمی باخ، دوٍشمان کیمی مین.

8- آتا ساپلیٌ آتاش، آنا ساپلیٌ آناش. (آتا سه‌پیر آتاش اوْلور، آنا سه‌پیرسه آناش اوْلور ـ سه‌پمَک: اَکمه‌ک. بوًیوٍتمَک).

9- آتا قاباغدان، ایته دالدان یاناش.

10- آتا گوٍج، آداما عاغیٌل (گَره‌ک).

 

11- آتا گوًیلوٍ بالادا، بالا گوًیلوٍ هاوادا.

12- آتا مین، حَق دانیٌش. حَقّی، آت اوٍسته دانیٌش.

13- آتا میندین، اوًزوٍووٍ اوُنوتما، آتدان دوٍشدوٍن، آتیٌویٌ. (آتداسان اوًزوٍنوٍ، آتدان ائندین آتیٌن اوُنوتما).

14- آتا مینه‌ر، آتاسیٌن دانار، آتدان ائنه‌ر، آتیٌن دانار. (آتا میندی، آتاسیٌنیٌ، آتدان ائندی، آتیٌنیٌ تانیٌمادیٌ).

(آتا میندی، آتاسیٌن تانیٌمادیٌ. آتدان دوٍشدوٍ، آتیٌن تانیٌمادیٌ).

15- آتا یَهه‌ری، دیله‌نچییه توْربا، آغیٌرلیٌق ائدمه‌ز.

toplayan HƏSƏN BƏY HADi