آی داغلار بیزیم داغلار
سیزه وار سؤزوم داغلار
آلا گؤزلو جیرانا
عاشيقام اؤزوم داغلار
هر آیلار آی هر آیلار
هز اولدوزلار هر آیلار
باشیم جلاد الینده
دیلیم سنی هارایلار
اللرينده حنا وار
(گئتمه ییبدیر) گئنه وار
دونیانی گوزل آلسا
محبتیم سنه وار
گنجه لر ایل گئجه لر
قدرینی بول گئجه لر
من بوردا قان آغلارام
سن اوردا گول گئجه لر
فلكين بير باغی وار
قیزیلدان چارداغی وار
الين وورما سینمه
سینمده یار داغی وار
جيرانلار قوشا گئدر
گوزله اوخ بوشا گئدر
يارين عهدی دوز اولسا
عمور گون خوشا گئدر
من عاشیقام یوزده وار
اللي ده وار یوزده وار
اوپملی آیاق اولسا
توپورملی اوزده وار
بو داغلار اوجا داغلار
هامیدان قوجا داغلار
غریب یئرده یاد ائلده
دوزوم من نئجه داغلار ؟
عزیزیم دامیدا وار
دام اوستن دامیدا وار
كيشيليك آيرى زاد دير
بوغ ساقتال هاميدا وار
عزیزیم هامی داوار
قوچ اولماز هامی داوار
کیشیلیک چتین ایشدیر
بوغ ساققال هامی دا وار
من عاشیق دوزگون آغلار
قاش گوزو سوزگون آغلار
بالاسی اولموش آنا
بیرگولسه یوزگون آغلار
داغین باشی قار گوزلر
آتدان – آتدان یار گوزلر
ایکی کونول بیر اولسا
گوره بولمز دار گوزلر
من عاشیقام آژ داوار
داغدا اوتلار آژ داوار
دولو قارين يئينلر
هیچ دیمیرلر آژدا وار
من عاشیق قارا باغلار
آغ اوستن قارا باغلار
یارامی یار باغلاسین
او یاخشی یارا باغلار
گویده اولدوز جیدادیر
جانیم دوستا فدادير
غم چکمه دلی گویلوم
مطلب وئردن خدادير
من عاشیق اولو داغلار
چشمه لی سولو داغلار
غربت یئرده اولنه
گوی کیشنر بولود آغلار
من عاشیق حاجی باغلار
حاجی معراجی باغلار
باجی نین سینیق کونلون
باغلاسا ، باجی باغلار
قایناق : اصیل بایاتیلار کتابی ، یازان : مجید عبدا… زاده ، چاپ هاتف ، تبریز ، 1376 ، ص 29
ائل اوبا
مطالب مرتبط
صائب تبریزی
آذربایجان ادبیات تاریخینه بیر باخیش (3)
مجمع الخواص دیوان و منشآت – صادقی افشار