واله :
غزل
آغیر ایللر بو یامان درده دوزوب یاندی کؤنول
نه دئییم کیم نئجه بو دردیله اودلاندی کؤنول
آیریلیق در دینی من یانماقی پروانه بیلر،
بی خبرلر نه بیلرلر، نه ایچون قاندی کؤنول؟
ائلیمین دردی منیمدیر من ائلین شاعری یه م
ائلی ویران ائلدین ظلم ایله ویراندی کؤنول
ای آزادلیق پری سی یوخلاما آچ گوزلرینی
وصلينه يئتمك ايچون «واله» و حیراندی کونول
گونده مینلرجه جوانلار سنه قوربان وئريلير
رحمه گل، ساکت اوتورما، کی پریشاندی، کونول
بو قورو جانی سنه ساخلامیشام ، هدیه وئرهم،
قسمتیم اولسا يولوندا قوجا قورباندی کونول
یوردمون قایغیسی آلتیندا قالان اولادی یام،
بوقدر قایغی لاری چکمه گه شایاندی کونول
مطالب مرتبط
وطن عشقی
یورت ماهنیسی
استاد شهریار و قاچاق نبی