بایاتی لار
من عاشیق داغدا یانمیر
بو درده داغ دایان میر
دالیمی داغا وئردیم
اوتوما داغدا یانمیر
بو داغلارین دوزو وار
اوستونده سال بوزو وار
بئله کی یار گلیری
اورگینده سوزو وار
ساری باغین ساماندیر
گونوم گونده ن یاماندیر
گئدیرسن تئز قئییت گل
چاتلار باغریم آماندیر
داغلار دومان آرزیلار
بولبول چمن آرزیلار
غربتده قالان جانیم
هر گون وطن آرزیلار
آپار منی بنده وور
زلفونده ن کمنده وور
اللی یئرده ن یارام وار
اسیر گمه ( دریغ نکن ) سنده وور
عاشیق هر سؤزو بولر
اگرینی دوزو بولر
دردیمی یارا دئیین
درمانین اؤزو بولر
های سالیرام اویانمیر
درده غمه بویانمیر
توشموشوک عشق اودونا
من یانیرام او یانمیر
من عاشیقام گنجه وار
شکی شیروان گنجه وار
دوست دوستان آیرلیسادا
محبت اؤلونجه وار
عاشیق اولان ائل گزر
اوردک اولان گؤل گزر
وفاسیز یاری اولان
ابدال اولار چول گزر
عاشیقام داشدی داغلار
سنده ن کیم آشدی داغلار
گؤزلریم یوخو توتدو
ترلانیم قاشدی داغلار
قایناق : اصیل بایاتیلار کتابی ، یازان : مجید عبدا… زاده
ائل اوبا – 25
مطالب مرتبط
اساطیر و حماسه ترک و ویژگی‌های آنها
گوج بیرلیکده دیر
ادبیات ترکان باستان