تاپماجالار (چیستان و معماهای ترکی + جواب)

تاپماجالار

۱- ایکی یول آراسیندا ، بیر قیرمیزی تر دستمال.

۲- ایکی اوزوگو بارماغا تاخديم ، قلينجي ووروب هرنه ی یاخدیم .

۳- ایکی داغ آراسیندا بیر جوان اولدوردولر !

٤- ایکی قارداش وار ، بیر بیرین گورمز.

٥- ايليم ايليم اييلمز ، اونون دیبی گورونمز ، آند ایچیب دیر بو توپوش ، هئچ زامان يول يئريمز.

٦- ايليم ایلیم دویمه سی ، ایلیم خاتون دویمه سی ، هركيم اونو تاپماسا ، يئتدى ایلین خسته سی .

۷- ایلیم اییلمز – ديبي چورومز ، آند ایچیب دیر او – يولو يئريمز.

۸- ایینه دلیگین دن باخارام ، کوردوستانی ییخارام.

۹- ایینه جه گوزومدن باخارام ، جمله جهانی ییخارام.

۱۰- اینه سی چوخ تیکه نی یوخ ، اتی درمان دیر اوزو حئيوان دير .

جاوابلار

۱- دیل و آغیز

۲- قیچی

۳- بيت و اونو اولدوره ن ایکی بارماق

٤- گوزلر

٥- سو سهنگی آغیر اولار و ائوین بیر گوشه سینده قویوب – سو دولدورارلار

٦- اوزریک

۷- سو کوزه سی یا سو سهنگی

۸- توپ – آتش لی توپ

۹- تفنگ

۱۰- کیرپی

منبع: کتاب تاپماجا (تاپماجالار – بیلمه جه لر) ، تالیف : زهره وفائی.