بیلیم آداملاری معین ائدیبلر کی، اینسانلارین یاراتدیغی ایقلیم دَییشیکلیگی سون ۲۰ ایلده کسکین هاوا حادیثه‌لرینین شیدتینی آرتیریب
بیلیم آداملاری معین ائدیبلر کی، اینسانلارین یاراتدیغی ایقلیم دَییشیکلیگی سون ۲۰ ایلده کسکین هاوا حادیثه‌لرینین شیدتینی آرتیریب.
بی‌بی‌سی-نین معلوماتینا گؤره، لندن ایمپریال کولجینده وورلد وئدئر آتریبیوشن (WWA) بیلیم آداملاری طرفیندن آپاریلان آراشدیرمادا کسکین هاوا شرایطی ایله ایقلیم دَییشیکلیگی آراسیندا علاقه آراشدیریلیب.
بیلیم آداملاری سون ۲۰ ایلین ان آغیر ۱۰ هاوا حادیثه‌سی ایله باغلی معلوماتلاری یئنیدن آراشدیراراق سومالی‌ده یوز مینلرله اینسانی تأثیر ائدن قوراقلیق و فرانسه‌ده ۳ مین‌دن چوخ اینسانین اؤلومونه سبب اولان ایستی دالغالاری کیمی حادیثه‌لره دقت یئتیریبلر.
آشدیرمالار نتیجه‌سینده بیلیم آداملاری معین ائدیبلر کی، بو هاوا حادیثه‌لری اینسان سببلی ایقلیم دَییشیکلیگی سببین‌دن داها شیدتلی و داها چوخ ائحتیمال اولونور.
ایمپریال کولجینین گرانتهام اینستیتوتونون ایقلیم دَییشیکلیگی و اطراف موحیط دئپارتامانی‌نین ایقلیم علملری اوزره باش موعللیمی فریئدئریک اوتتو، “بو تدقیقات دونیانی ایستیلشدیرن و حیاتی محو ائدن قالیق یاناجاقلاردان یاپیشماغا داوام ائدن سیاسی لیدئرلره بیر مئساژ اولمالیدیر” دئدی.
مطالب مرتبط
خشک‌شدن درختان شهرستان نقده در سایه بی‌توجهی مسئولان
پنالتی به عدالت؛ دستمزدهای نجومی از جیب محرومان
جنایات اسرائیل در هدف قرار دادن مردم مظلوم غزه و کاروان های کمک رسانی بین المللی