آمریکانین کولورادو بولدئر اونیوئرسیتهسینده آپاریلان بیر آراشدیرما گؤستردی کی، یوکسک یاغلی قیدالار باغیرساق-بئیین علاقهسی سببیندن باغیرساق باکتئریلرینی پوزابیلر و ناراحاتلیغی آرتیرابیلر
یوکسک یاغلی یئمکلرین ناراحاتلیق و دئپرئسیونا سبب اولدوغو آشکار ائدیلمیشدیر.
آمریکانین کولورادو بولدئر اونیوئرسیتهسینده آپاریلان بیر آراشدیرما گؤستردی کی، یوکسک یاغلی قیدالار باغیرساق-بئیین علاقهسی سببیندن باغیرساق باکتئریلرینی پوزابیلر و ناراحاتلیغی آرتیرابیلر.
پروفئسور کریستوفئر لووری و اکیبی یوکسک یاغلی پهریزلرین تأثیرینی آنلاماق اوچون یئنییئتمه سیچانلار اوزرینده تجروبه آپاریب. ایکی قروپا بؤلونن ایلک سیچان قروپو تخمینا یوزده ۱۱ یاغ احتیوا ائدن استاندارد پهریزله، دیگر قروپ ایسه دویموش حیوان یاغلاریندان عیبارت یوزده ۴۵ یاغدان عیبارت یوکسک یاغلی پهریز ایله قیدالانیب.
آراشدیرماجیلار دوققوز هفته عرضینده نجیس نومونهلری واسیطهسی ایله سیچانلارین باغیرساق باکتئریلرینی ایزلهییب، اونلارین داورانیشلارینی قیمتلندیریبلر. آراشدیرما نتیجهسینده یوکسک یاغلی قیدالارلا قیدالانان سیچانلارین دیگر قروپا نیسبتا داها چوخ کؤکلدیغی معین ائدیلیب.
بیلیم آداملاری ایضاح ائتدیلر کی، بو آراشدیرما پهریز، باغیرساق ساغلاملیغی و عاغیل آراسینداکی مورکب علاقهنی اورتایا قویور. بیلدیریلیب کی، کاربوهیدراتلار و یاغلار یوکسک اولان قیدالار قیسا مدتلی راحتلیق تامین ائتسه ده، ناراحاتلیق، دئپرئسیون و افسردگییه سبب اولور و اوزون مدت عرضینده عومومی ساغلیغا تأثیرینینده اینسان بدنینه منفی تأثیر گؤستریر.
اوزمانلار دنگهلی قیدالانما سئچیمینین هم فیزیکی، هم ده روحی ساغلاملیغی قوروماق اوچون واجیب اولدوغونو بیلدیرهرک، ترکیبینده غیر-ساغلام یاغلار اولان قیدالارین کرونیک خستهلیکلرله علاقهلی اولدوغونو دا بیلدیردیلر. همچینین بیلدیریلیب کی، بئله قیدالار باغیرساق ساغلاملیغینا و ناراحاتلیغینا تأثیر ائتمکله یاناشی، بدنده ایلتیهابا سبب اولابیلر.
More Stories
فرمول زندگی 100 ساله
بیماری سلیاک ممکن است به دلیل عوامل ژنتیکی رخ دهد
افرادی که هرگز نباید شاه بلوط مصرف کنند! فریب بو و طعم آن را نخورید.