گونش، سولار ماکسیموم مرحله‌سینه گیردی

گونشین، مغناظیسی گونش دؤورو آدی وئریله‌ن ۱۱ ایللیک سولار دؤورونده “سولار ماکسیموم” مرحله‌سینه چاتدیغی بیلدیریلدی

گونشین، ۱۱ ایللیک سولار دؤورونده، مغناطیسی قوطبلارینین دییشدیگی “سولار ماکسیموم” مرحله‌سینه گیریلدی.

آمریکا بیرلشمیش دؤولتلری هاواچیلیق و اوزای آژانسی (ناسا)، آمریکا میللی اقیانوس و اتموسفر ایداره‌سی (نواا) ایله گونش دؤورو تخمین پانئلی، مؤوضوعا باغلی تله‌کنفرانس تشکیل ائتدی.

تله‌کونفرانسدا، گونشین، مغناظیسی گونش دؤورو آدی وئریله‌ن ۱۱ ایللیک سولار دؤورونده “سولار ماکسیموم” مرحله‌سینه چاتدیغی بیلدیریلدی.

نواا، مؤوجود سولار ماکسیموم دؤورونده داها چوخ ژئومانیتیک فیرتینا گؤزله‌نیلدیگینی، بونون دا گله‌جک بیر نئچه آیدا شیمال ایشیقلاری (آرورا بوریالیس) گؤرولمه احتیمالینی آرتیراجاغینی قئید ائتدی.

ناسا اوزای هاوا وضعیتی پروگرامی مودورو جامی فاورس، تخمیناً بیر ایل داها سورجگی تخمین ائدیله‌ن مرحله‌ده، گونش اوزرینده لکه میدانا گلمه‌سی کیمی موختلیف فعالیتلرده آرتیش گؤروله‌جگینین تخمین ائدیلدیگینی ایفاده ائد‌رک، بو آرتیشین، اولدوز حاقیندا ائدیله‌ن آراشدیرمالار اوچون یئنی فورصتلر میدانا گتیرجگینی، عینی زاماندا دونیا و گونش سیستمی داخیلینده تأثیرلری اولاجاغینی ایفاده ائتدی.